काठमाडौं : अखिल भारतीय विद्वत् परिषद्लगायत केही संस्थाले हेमानन्द गिरीलाई डोलेश्वरमा पनि रुद्राभिषेक गर्न नदिने भएका छन् । केदारनाथको शिर डोलेश्वर महादेव संरक्षण तथा विकास समितिले भदौ ८ गते शुक्रबारको दिन पदस्थापना गर्ने भनिएको हेमानन्दको कार्यक्रम स्थगित गरेको हो ।
समितिले जगद्गुरु शंकराचार्य विभूषित हेमानन्द गिरीजी महाराज पदस्थापन समारोहका अध्यक्ष अष्टकुमार कवेलाई सोमबार पत्र पठाउँदै कार्यक्रम स्थगित गर्न बाध्य भएको जानकारी गराएको हो ।
सचिव धर्मराज बस्नेतद्धारा हस्ताक्षरित पत्रमा भनिएको छ, ‘शुक्रबार पदस्थापना एवं छत्री, तामपत्र र छडी ग्रहण कार्यक्रम राख्न अनुरोध गरिएकोमा हिन्दु जागरण नेपाल, विश्व हिन्दु युवा संघ साथै हिन्दु संघसंस्था र विद्धानले स्पष्ट रुपमा विरोध गरेकाले स्थगित गरेका छौं ।’
परिषद्को मंगलबार बसेको बैठकले शंकराचार्य परम्पराको मर्यादा र आस्थालाई बेवास्ता गरी अयोग्य र अनधिकृत व्यक्तिलाई नेपालमा हुँदै नभएको कल्पित पीठ उल्लेख गरी अखिल भारतीय विद्वत् परिषद्ले सो पीठमा नियुक्ति गरेको भन्दै सभाले अस्वीकार गर्ने निर्णय गरेको छ । सो विषयलाई लिएर विद्वत्–सभाले सम्बन्धित पक्षसँग शास्त्रार्थ गर्नसमेत तयार रहेको घोषणा पनि गरेको छ ।
प्रतिक्रिया दिनुहोस !
