खानेपानी ट्यांकीमा दिसा

खानेपानी ट्यांकीमा दिसा

दुनै : डोल्पाको सदरमुकाम दुनैको खानेपानीका ट्यांकी दिसाले भरिएको छ । दुनै बजार क्षेत्रका खानेपानी ट्यांकीमा दिसा र फोहोर भरिएको भेटिएको छ ।

करिब ३ सयभन्दा धेरै घरधुरी बसोवास गर्दै आएको सदरमुकाम दुनैमा २ सय घरधुरीको धारामा पानी वितरण गरेको दुनै खानेपानी उपभोक्ता समितिले जनाएको छ । दुनैको खानेपानी व्यवस्थित नहँुदा ट्यांकीमा समेत दिसा गरेको पाइएको कर्मचारी बताउँछन् ।

स्थानीयको लापरवाहीले नै खानेपानीका ट्यांकीमा समस्या आएको दुनै खानेपानी उपभोेक्ता समितिका सचिव हिक्मत शाहीले बताए । उलने भने, ‘जुन टोलमा ट्यांकी छ त्यही टोलका बासिन्दाले संरक्षण गर्ने सहमति भएको थियो । तर, स्थानीयले नै मनपरी गर्दा त्यस्तो समस्या आएको हो ।’

अब दसैंसम्म सबै क्षेत्रको खानेपानी व्यवस्थित हुने उनले बताए ।

‘खानेपानीका पाइप यत्रतत्र छरिएका छन् । ट्यांकीमा दिसा र फोहोर भरिएको छ पानीको मुहान खुला छ, कसरी शुद्ध पानी पिउने आशा राख्नु ? ’ स्थानीयको गुनासो छ ।

०७४ साल कात्तिक ९ गते कर्णालीकै तेस्रो खुला दिसामुक्त जिल्लाका रूपमा घोषणा गरे पनि शौचालयभन्दा बाहिर दिसा गर्नेको संख्या बढ्दो क्रममा रहेको नागरिक बताउँछन । खुला दिसामुक्त क्षेत्र घोषणा गरिए पनि जनतालाई चेतना दिन नसकेको उनीहरूको आरोप छ ।


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.