कञ्चनपुर:बालिका निर्मला पन्तको बलात्कारपछि हत्या भएको घटना छानबिन गर्न सरकारले उच्चस्तरीय छानबिन समिति बनाएको छ । कञ्चनपुर क्षेत्र नम्बर ३ का सांसद दीपक प्रकाश भट्टका अनुसार छानबिन समितिले भोलिबाटै आफ्नो काम थाल्ने भएको छ ।
बलात्कारपछि बालिका निर्मलाको हत्याको घटना र त्यसपछि उत्पन्न परिस्थितिबारे छानबिन गर्न सरकारले गृहमन्त्रालयका सहसचिव हरि मैनालीको नेतृत्वमा छानबिन समिति बनाएको हो ।
समितिमा नेपाल प्रहरीका तीनजना डीआईजी सदस्य रहेका छन् । त्यसैगरी प्रदेश नम्बर सातको आन्तरिक मामिला मन्त्रालयका उपसचिव पनि छानबिन समितिका सदस्य रहेका छन् ।
गत साउन १० गते बलात्कारपछि हत्या गरिएकी बालिका निर्मलाको हत्यामा संलग्न भएको अभियोगमा मानसिक सन्तुलन गुमाएका एकजना युवा पक्राउ परेपछि कञ्चनपुरमा चार दिनदेखि तनाव छ ।
प्रतिक्रिया दिनुहोस !
