कञ्चनपुरमा फेरि तनाव : प्रहरीको गोलीले एकजनाको मृत्यु
भदौ ८, २०७५ शुक्रबार १८:१९:०
कञ्चनपुर : कञ्चनपुर सदरमुकाम महेन्द्रनगरमा प्रहरीको गोली लागेर एकजना प्रदर्शनकारीको ज्यान गएको छ ।
बिहीबार साँझबाट लगाइएको कर्फ्यू बिहान ५ बजे हटेपछि शान्त रहेको महेन्द्रनगर बजार क्षेत्रमा शुक्रबार साँझ अचानक भएको प्रर्दशनका क्रममा प्रहरीले हानेको गोली लागेर एक स्थानीय किशोरको ज्यान गएको हो ।
गोली लागेर मारिएका किशोरको पहिचान खुलिसकेको छैन । प्रहरीको गोलीले अर्का प्रदर्शनकारीको खुट्टामा गम्भीर चोट लागेको छ ।
साउन १० गते बालिका निर्मला पन्तको हत्या भएपछि कञ्चनपुर अशान्त रहँदै आएको छ । बालिका पन्तको बलात्कारपछि हत्यामा संलग्नलाई जोगाएर मानसिक सन्तुलन गुमेएका एक युवालाई फसाउन खोजेको भन्दै स्थानीयबासीले पाँच दिनदेखि प्रदर्शन गर्दै आएका थिए ।
प्रतिक्रिया दिनुहोस !
