दार्चुला : पाँच किलोग्राम चरेससहित एकजना नेपाली भारतको धारचुलामा पक्राउ परेका छन् । उत्तराखण्ड प्रहरीले धारचुलाको घट्टेधारको माथि टिभिटावरको नजिकबाट ४२ वर्षीय बल्देवसिह महरलाई शुक्रबार पक्राउ गरेको हो ।
दार्चुला जिल्ला महाकाली नगरपालिका वडा नम्बर ३ बाँजका वासिन्दा रहेका महरको साथबाट ४ किलो ८ सय २५ ग्राम चरेश उत्तराखण्ड प्रहरीले बरामद गरेको छ ।
उत्तराखण्ड प्रहरीले धारचुलामा पक्राउ गरेकाले भारतकै कानुन अनुसार कारवाही हुने दार्चुला प्रहरीका प्रवक्ता हिक्मतवहादुर बोहराले बताए । महरसंगै धारचुला तहसिलअन्तर्गतको खेला गाँउका एकजनालाई पनि पक्राउ गरिएको थियो । तर घटनामा संलग्न नभएको भन्दै उनलाई छोडिएको र चरेससहित समातिएका महरलाई भने थप अनुसन्धानका लागि शुक्रबार पिथौरागढ पठाइएको उत्तराखण्ड प्रहरीले जनाएको छ ।
प्रतिक्रिया दिनुहोस !
