पोखरा : पोखराको लामाचौरमा अन्दाजी १३ वर्षीया बालिका पुष्पा केसीको शव भेटिएको छ। पोखरा महानगरपालिका –१९ लामाचौरमा शुक्रबार साँझ झाँडीमा उनको शव फेला परेको कास्कीका प्रहरी प्रवक्ता डिएसपी रवीन्द्रमान गुरुङले जानकारी दिए।
स्थानीय बासिन्दाले बालिकाको शव देखेपछि प्रहरीलाई खबर गरेका थिए। बालिकाको शवलाई पोस्टमार्टम गर्न पश्मिाञ्चल क्षेत्रीय अस्पताल पोखरामा राखिएको छ।
बालिकाको हत्या भएको हो कि होइन शव पोस्टमार्टमपछि मात्र थाहा हुने डिएसपी गुरुङले बताए।। लामाचौरनै घर भएकी बालिका विन्ध्यवासिनी मावि कक्षा ६ अध्ययनरत थिइन्। स्थानीय बासिन्दाले बालिकाको बलात्कारपछि हत्या भएको हुन सक्ने आशंका गरेका छन्। हत्या भएको आंशकामा प्रहरीले घटनाको अनुसन्धान थालिसकेको छ।
प्रतिक्रिया दिनुहोस !
