रौतहटको लालबकैया नदीमा ४० बढी सवार डुंगा दुर्घटना : अधिकांश बेपत्ता
भदौ ९, २०७५ शनिबार २०:१३:०
रौतहट : रौतहटको गौर नगरपालिका-४ स्थित लालबकैया नदीको तिकुलिया घाटमा शनिबार साँझ डुंगा दुर्घटना भएको छ। स्थानीयका अनुसार ४० बढी किसान सवार डुंगा दुर्घटना भएको हो। डुंगामा सवार १५-२० जना पौडिएर निस्किए पनि अन्य बेपत्ता छन्।
जिल्ला प्रहरी कार्यालयका प्रमुख एसपी केदार ढकालका अनुसार बेपत्ताको खोजीलाई तिब्रता दिइएको छ। तर, रात परेकाले खोजी र उद्धारमा कठिनाइ भएको छ। मोटरसाइकलको लाइट र टच बालेर खोजीलाई तिब्रता दिएको एसपी ढकालको भनाइ छ।
डुंगा दुर्घटना लगत्तै सिडिओलगायत सुरक्षा निकायका प्रमुख घटनास्थलमा पुगेका छन्। दुर्घटनामा बेपत्ताका परिवारमा रुवाबासी सुरु भएको छ। 
प्रतिक्रिया दिनुहोस !
