अष्ट्रेलिया : प्रबासमा आफ्नो भाषा, कला, र सँस्कृतिलाई संरक्षण एवम् प्रवर्धन गर्ने उद्देश्यले गोरखा समाज अष्ट्रेलियाले गाईजात्रा तथा रक्षाबन्धन कार्यक्रम आयोजना गरेको छ छ । आइतबार विभिन्न संस्कृति प्रदर्शन गरी गाइजात्रा मनाइएको हो । नेपाली समुदायको विशेषता झल्कने झाँकी सहितको परेड प्रदर्शन गर्दै सिड्नी स्थित टेम्पे पार्कको परिक्रमा गरिएको गोरखा समाज अष्ट्रेलियाले जनाएको छ ।
नेपाली हिन्दु समाज अष्ट्रेलियाको संयोजनमा बिहान ८ बजेबाट साँझ ५ बजेसम्म रक्षाबन्धनको ब्यबस्था गरिएको थियो भने मध्यान्ह १२ बजेबाट पञ्चकन्या सहितको गाईजात्रा परेड सुरू भएको थियो । कार्यक्रमको प्रमुख आकर्षकका रुपमा रहेका नेपाल टेलिभिजनको मेरी बास्सै कार्यक्रमका निर्देशकद्वय राजू मास्टर तथा बल्छी धुर्बेले हाँस्य प्रहसन प्रस्तुत गरेका थिए ।
कार्यक्रममा अन्य स्थानीय कलाकारहरूको बिभिन्न प्रस्तुति सहित नेपाली मौलिक खैजडी भजन पनि प्रस्तुत गरिएको थियो, सिड्नी स्थित विभिन्न संघ सस्थाहरुको सहभागिता सँगै गाईजात्राको मौलिक टाकटुके नाच र गुठी अष्ट्रेलियको सहकार्यमा चर्चित लाखे नाचको प्रस्तुति रहेको थियो ।
प्रतिक्रिया दिनुहोस !
