काठमाडौं : नेपाल पत्रकार मञ्चले आफ्नो पाँचौं महाधिवेशनको अवसरमा अन्नपूर्ण पोस्ट् राष्ट्रिय दैनिकका सम्पादक अखण्ड भण्डारीलाई अग्रज पत्रकार सम्मानद्वारा सम्मानित गरेको छ।
सम्पादक भण्डारीलाई मंगलबार राजधानीमा आयोजित कार्यक्रममा नेपालका लागि इजरायलका राजदूत बेन्नी ओमेरले दोसल्ला र सम्मान पत्रका साथ सम्मान गरेका हुन्।
मञ्चका निवर्तमान कार्यसमिति सदस्यलाई कदर पत्र प्रदान गरिएको कार्यक्रममा अग्रज पत्रकारद्वय भण्डारी र विष्णुलाल श्रेष्ठलगायतलाई सम्मानित गरिएको हो।
कार्यक्रममा एसिया प्यासिफीक डेलीमा कार्यरत आस्मीका गुरागाईंलाई १५ हजार नगद् सहित प्रताप मेमोरियल पत्रकारिता पुरस्कारबाट पुरस्कृत गरियो।
प्रतिक्रिया दिनुहोस !
