काठमाडौँ : बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक) का राष्ट्राध्यक्ष÷सरकार प्रमुखको अनौपचारिक राजनीतिक संवाद (रिट्रिट) सुरु भएको छ । सुरक्षाको कारण देखाउँदै सोल्टी परिसरमै रिट्रिट आयोजना गरिएको हो ।
सदस्य मुलुकका राष्ट्राध्यक्ष-रकार प्रमुखलाई आवासको व्यवस्था गरिएको स्थानीय ताहाचलस्थित सोल्टी होटलको पौडी पोखरी परिसरमा गरिएको रिट्रिटमा सबै देशका राष्ट्राध्यक्ष-सरकार प्रमुख तथा उहाँहरूका जीवनसाथी पनि सहभागी भए ।
रिट्रिटमा बिहानको खाजाको दिइएको थियो । सदस्य देशका राष्ट्राध्यक्ष-सरकार प्रमुखका निम्ति एउटा मुख्य टेबल र त्यही टेबल नजिक उनीहरूका श्रीमती-श्रीमान्लाई बेग्लै टेबलको व्यवस्था गरिएको परराष्ट्र मन्त्रालयले जनाएको छ ।
आफ्नै भाषामा अभिव्यक्त गर्न चाहने राष्ट्राध्यक्ष-सरकार प्रमुखका लागि दोभाषेको पनि व्यवस्था गरिएको छ ।
बिम्स्टेकका अध्यक्ष एवं प्रधानमन्त्री केपी शर्मा ओली तथा उनकी धर्मपत्नी राधिका शाक्यले रिट्रिटस्थलमा सदस्य मुलुकका राष्ट्राध्यक्षऔसरकार प्रमुख तथा उनीहरूका जीवनसाथीलाई स्वागत गरे। त्यसअघि पञ्चकन्याले पनि उनीहरुलाई पुष्पगुच्छासहित स्वागत गरेका थिए ।
रिट्रिटका क्रममा प्रधानमन्त्री केपी शर्मा ओली र भारतीय प्रधानमन्त्री नरेन्द्र मोदीबीच पनि गम्भीर संवाद भएको थियो । तर उनीहरुबीच भएको संवादबारे केही सार्वजनिक भएको छैन ।
सबै तस्बिरहरु : दीपेन श्रेष्ठ
प्रतिक्रिया दिनुहोस !
