निर्मलाका सहपाठीले प्रधानमन्त्रीलाई सोधे : हत्यारा कहिले पक्राउ पर्छन्?
भदौ १५, २०७५ शुक्रबार १०:४५:०
महेन्द्रनगर : गत साउन १० गते बलात्कारपछि हत्या गरिएकी १३ वर्षीया बालिका निर्मला पन्तका सहपाठीहरुले साथीका पक्राउ नपरेकोबारे प्रधानमन्त्रीलार्इ चिठ्ठी लेखेका छन् ।
निर्मलाका साथीहरु जानकी भट्ट, लक्ष्मी बडू, पूजा चन्द र गीता जोशीले प्रधानमन्त्रीलाई पत्र लेखेका हुन् । उनीहरूले साथीका हत्यारा कहिले पक्राउ पर्छन् भन्दै प्रधानमन्त्री केपी शर्मा ओलीलाई चिट्ठी लेखेका हुन् ।
साथीको हत्या भएको ३७ दिन बितिसक्दा पनि हत्यारा पक्राउ नपरेको भन्दै उनीहरुले आफ्नो साथीका हत्याराबारे प्रधानमन्त्रीलाई सोधेका छन् ।
हत्यारा पक्राउ नपर्दा आफुहरु मानसिक तनावमा र असुरक्षित समेत रहेको उनीहरुले बताएका छन् । सहपाठीहरुले छिटोभन्दा छिटो हत्यारालाई पक्राउ गरेर कारवाही गर्न माग गरेका छन् । कक्षा १ देखि एकसाथ अध्ययन गर्दै आएका ४ जना सहपाठीहरूले प्रधानमन्त्रीलाई लेखेको पत्र राजधानी पठाइएको छ।
प्रतिक्रिया दिनुहोस !
