काठमाडौं : जोरपाटीस्थित नेचुरल बचत तथा ऋण सहकारीले सदस्यहरुलाई एटिएम सेवा दिने भएको छ । संस्थाको १० औं वार्षिक साधारणसभाको अबसरमा संस्थाका प्रमुख कार्यकारी संचालक विकल्प पाठकले संस्थाको आर्थिक वर्ष ०७४/०७५ को प्रगती प्रतिवेदन प्रस्तुत गर्दै सदस्यलाई एटिएम सुविधा दिन लागेको घोषणा गरे । उनले नेचुरल स्मार्ट मोवाइल एप्स् तथा एसएमएस बैंकिङ सेवा र ब्रान्चलेस बैंकिङ सेवा सञ्चालन गरिसकेको समेत जानकारी दिए ।
प्रमुख कार्यकारी सञ्चालक पाठकले संस्थाले गत आर्थिक वर्षमा ५ करोड ३३ लाख ९९ हजार १ सय रुपैंया शेयर पूँजी तथा ६२ करोड २५ लाख ९६ हजार ६ सय ५५ रुपैंया बचत संकलन गरेको जानकारी दिए । यसै अर्थिक वर्षमा संस्थाले ६९ करोड ५६ लाख ९२ हजार २ सय ९८ रुपैंया ऋण लगानी गरी ५ करोड ७४ लाख ७८ हजार १ सय ३७ रुपैंया खुद आम्दानी तथा ८९ करोड ८ लाख ९६ हजार ४ सय ३८ रुपैंया कुल कारोवार गरेको छ ।
सभामा प्रतिवेदन प्रस्तुत गर्दै पाठकले विगतमा संस्थाले रक्तदान, स्वास्थ्य शिविर, अपाङ्ग बालवालिकाका लागि शैक्षिक सामाग्री र खाद्ययान्न वितरण गरिरहेको बताए । त्यसैगरी संस्थाले १० औं वार्षिक साधारण सभामा सदस्यहरुको निशुल्क दन्त परीक्षण गराएको थियो ।
प्रतिक्रिया दिनुहोस !
