बनेपा : पनौती नगरपालिका–२ स्थित कुशादेवी मावि र लिलावती नेशनल ऐकेडेमी बाट एसईई उत्तीर्ण एक सय ३८ विद्यार्थीलार्य छात्रावृत्ति र स्टेशनरी समान वितरण गरिएको छ ।
आइतबार एक कार्यक्रमबीच अन्नपूर्ण मिडिया नेट्वर्कका अध्यक्ष क्याप्टेन रामेश्वर थापाले २०७४ को एसईई परीक्षामा त्यही विद्यालयबाट उत्र्तीण विद्यार्थीहरुलाई सम्मान गरेका हुन् ।
दश वर्षदेखि कुशादेवी क्षेत्रबाट उत्कृष्ट विद्यार्थीलाई अध्यक्ष थापाले प्रोत्साहनस्वरुप विभिन्न छात्रावृत्ति प्रदान गर्दै आएको पनौती नगर प्रमुख एवम् विद्यालय व्यवस्थापन समितिका अध्यक्ष भीम न्यौपानेले बताए ।
कुशादेवी र लिलावती विद्यालयबाट उत्कृष्ट एकजनालाई ५० हजार र अन्यलाई १० हजार र स्टेशनरी सहयोग गर्दै आएइका छन् । न्यौपानेका अनुसार २०७४ को एसईई परीक्षामा कुशादेवी क्षेत्रबाट उत्कृष्ट अंक ३ दशमलव ८ जीपीए ल्याउने बिबिष थापा लाई नगद ५० हजार र स्टेशनरीसहित छात्रावृत्ति प्रदान गरेको बताए ।
क्रमश ३ जीपीए भन्दा बढी ल्याउने अन्य विद्यार्थीहरुलाई दश हजार प्रदान गरिएको बताए । अन्य एक सय ३८ जना विद्यार्थीलाई डायरी, डिसक्नरी र स्टेशनरी समान प्रदान गरिएको जानकारी दिए ।
कार्यक्रममा बोल्दै अन्नपूर्ण मिडिया नेट्वर्कका अध्यक्ष क्याप्टेन रामेश्वर थापाले आफूले विद्यार्थीहरुको क्षमता विकास र प्रोत्साहनका लागि लामो समयेखि सहयोग गर्दै आएको बताए ।
‘मेरो सहयोग जेहेन्दार, मेहेनरती विद्यार्थीहरुको प्रोत्साहन र क्षमता अभिवृद्धिका लागि हो’, उनले भने, ‘जसले आफ्नो परिवार, समाज र देशका लागि केही योगदान पुर्याउन सकुन् । सानो सहयोगले हौसला मिलोस र परिवर्तन होस भन्ने अर्को उद्धेश्य हो ।’
कार्यक्रममा विदेशमा रहँदै आएका राजेश लामाले विद्यार्थीहरुको सहयोग र प्रोत्सानका लागि एसईईमा उत्कृष्ट नतिजा ल्याउने विद्यार्थी रजत सापकोटालाई ६ हजार र भावना अधिकारीलाई चार हजार रुपैयाँ प्रदान गरे । कार्यक्रममा सासंद बसुन्धरा हुमगाईँ र शिक्षाविद रामप्रसाद अधिकारीले थापाको सहयोग विद्यार्थीको लागि मार्गदर्शन हुने बताए ।
प्रतिक्रिया दिनुहोस !
