काठमाडौं : स्पेनिस ला लिगाको यस सिजनको आफ्नो तेस्रो खेलमा बार्सिलोनाले विपक्षीमाथि गोल वर्षा गरेको छ । आइतबार रातिको खेलमा नव प्रवेशी हुएस्कामाथि ८–२ को फराकिलो जित निकाल्न सफल भएको छ । बार्सिलोनाले गोल वर्षा गर्ने क्रममा मेसीले २ (१६ र ६१ मिनेट) र स्वारेजले २(३९ र ९३ मिनेट) गोल गरे।
त्यसपछि डेम्बेले(४८ मिनेट), राकाटिक(५२मिनेट) र अल्बा(८१मिनेट) ले एक–एक गोल गरे । एक गोल हुएस्काका पुलिडोले आत्मघाती गोल उपहार दिएका थिए । बढुबा भएर यस सिजनको ला लिगा खेलेको हुएस्काका लागि जुआज क्यामिलो हनाज्डेजले खेलको तेस्रो मिनेटमा र अलेजान्ड्रो फाल्गुराले ४२ औं मिनेटमा गोल गरे ।
जितपछि ३ खेल खेल्दा रियल मड्रिडलाई गोल अन्तरमा पछि पार्दै बार्सिलोना अंक तालिकाको शीर्ष स्थानमा उक्लिएको छ । शनिबारको खेलमा लेगानेजविरुद्ध ४-१ बो जित निकाली रियल मड्रिडले पनि ३ खेलबाट ९ अंक जोडेको छ ।
आइतबार भएका ला लिगाका अन्य खेलमा आलाभेजले स्पानियोललाई २–१ र रियल बेटिसले सेभिल्लालाई १–० ले हराए । लेभान्टे र भ्यालेन्सियाले २–२ को बराबरी खेले ।
प्रतिक्रिया दिनुहोस !
