जनकपुरधाम : देश लोडसेडिङ मुक्त घोषणा भईसकेपनि प्रदेश २ का राजधानी जनकपुरधाममा दैनिक २० घण्टासम्म बिजुली रह्ने गरेका छैन् । बिजुली अभावमा यहाँका सर्वसधारण दुःख झेल्न बाध्य छन् । यहाँको जनजिवन नै प्रभाबित बनेको छ । उखरमाउलो गर्मीका बेला बिजुली अभाबमा दिन गुजार्न मुस्किल भएको सर्वसधारण बताउँछन् ।
जनकपुरधाम वकिल टोलका बसन्त श्रेष्ठले बिगत ३ दिनदेखि दिनभर बिजुली नरह्नेगरेको गुनासो गरेका छन् । भने, ‘हुन त विगत ४ महिनादेखि बिजुली नियमित छैन् । तर २ दिनदेखि हदै नाघ्यो । २० घण्टासम्म बिजुली रहने गरेका छैन् । हिजो पनि दिनभर थिएन । आजपनि छैन ।’ उनले विजुली नभएका कारण गर्मी थेग्नै गार्हो भएको पीडा सुनाए । मोवाइल पनि चार्ज गर्न समस्या भएको उनको भनाई छ ।
विजुली अभावमा यहाँका साना उधोग तथा कलकारखानाको काम समेत प्रभावित बनेको छ । पसलमा २ रुपैयामा गरिने फोटो कापी गराउन सर्वसधारण ५ रुपैया खर्चिन बाध्य छन् । विजुली नभएपछि पेयपदार्थ चिसो गर्न नपाउदा व्यापार चौपट भएको व्यापारीहरू गुनासो गर्छन् । विजुली अभावमा पत्रकारहरू पनि समस्यामा परेका छन् । लगातार बढीसमयसम्म बिजुली नहुंदा ईन्भर्टर समेत चार्ज नभएपछि समाचार पठाउन नपाएको पत्रकार शत्रुधन यादवले गुनासो गरे ।
बिधुत प्राधिकरणका कर्मचारीको लापरबाहीले बिजुली नियमित नभएको स्थानीयको आरोप छ । तर विधुत प्राधिकरणले एडिबी परियोजना अन्तरगर्त भईरहेको सडक निर्माणका कारण विधुत अनियमित भएको जनाएको छ । विधुत प्राधिकरण जनकपुरका ईन्जिनियर प्रविण मि श्राले भानू चौकमा सडक निर्माणका क्रममा ट्रान्सफर्मर हटाउनु परेका कारण समस्या भएको बताए ।
उनले त्यहाँको काम भईसकेपछि विजुली नियमित भइसक्ने जानकारी दिए । चर्को गर्मीले नगरबासी वास्तबमा सास्ती खेपिरहेको बताउदै भने, ’अब सडकको कामकै कारण बिजुली काटिने छैन् । ठेकेदारलाई पनि बिजुली नकाटेर काम गर्ने खालको विकल्प खोज्न भन्छौं ।’ केहिदिन अगाडी ढल्केबर केन्द्रमा आगलागी भएकोले पनि समस्या भएको उनको भनाई छ ।
प्रतिक्रिया दिनुहोस !
