मलंगवा : सर्लाहीको मलंगवा ७ मुसैली र गणेशियाको बीच चौरीमा एक महिलाको शव बरामद भएको छ।
सुनसान धान खेतको आलीमा अन्दाजी ४०-४२ वर्षकी महिलालाई मारेर फालिएको अवस्थामा शव बरामद भएको प्रहरीले जनाएको छ।
मारिएर फालिएको महिलाको धाँटीमा साडी बाँधिएको छ। प्रहरीले घटनाको प्रारम्भिक अनुसन्धानबाट कतै मारेर शव फालेको हुनसक्ने अनुमान गरेको छ। शव घोप्टो पारेर राखिएकाले अहिलेसम्म पहिचान हुन सकेको छैन।
दुबै तिर पानी भएको धान खेत नजिकै शव फालिएको अवस्थामा भेटिएको हो। स्थानीयले कसैले हत्या गरेर फालेको अनुमान गरेका छन्।
घाँस काटेर घर फर्किदै गरेका महिलाले शव देखेपछि प्रहरीलाई खबर गरेका हुन्।
प्रतिक्रिया दिनुहोस !
