काठमाडौं : भारतीय क्रिकेट कन्ट्रोल बोर्ड (बीसीसीआई) को निमन्त्रणामा एकिदवसीय क्रिकेट खेल्न भारत गएको नेपालको यू–१९ टोलीले अहिले दोस्रो खेल अन्तरगत भारतको टोली इन्डिया यू–१९ 'ए 'सँग प्रतिस्पर्धा गरिरहेको छ । एकाना अन्तराष्ट्रिय क्रिकेट मैदान लखनउमा जारी खेलमा नेपालले टस जितेर पहिले ब्याटिङ रोजेको छ । पहिले ब्याटिङ गरेको नेपाली युवा टोलीले मध्यम प्रदर्शन गरिरहेको छ ।
अपडेट : इन्डिया ए विरुद्ध नेपालका सन्दीप जोराले अर्धशतक बनाएका छन् । ७९ बलमा ४ चौका र एक छक्का सहित जोराले ५२ रन बनाएका हुन । ३५ ओभरमा नेपालको स्कोर ११८ रन पुगेको छ ।
नेपालको चौथो विकेट गुमेको छ । ओपनर तृतराज दास अर्धक सतक बनाउनबाट चार रनले चुकेका छन् । ८६ बल खेलेका उनले ७ चौकासहित ४६ रन बनाए । ३० ओभरमा नेपालले ९९ रन पुगेको छ । ४ विकेटको क्षतिमा
नेपाली टोलीमा देखिएको ब्याटिङको सम्स्या यस खेलमा पनि यथावत रहेको छ । १७ रन बनाउँदा पहिलो विकेट गुमाएको नेपालले १८ रन बनाउँदा दोस्रो र २३ रन बनाउँदा तेस्रो विकेट गुमायो ।
रवि साह, रीत गौतम र कप्तान आसिफ शेख आउट भए । त्यसपछि तृत दास र सन्दीप जोराले सम्मालिएर ब्याटिङ गरिरहेका छन् । दास र जाेराले नेपालका लागि राम्रो साझेदारी गरिरहेका छन् । १६ ओभरको खेल सकिँदा नेपालको स्कोर ६२ रन पुगेको छ । ३ विकेटको क्षतिमा
बुधबार भएको पहलिो खेलमा भारतको राष्ट्रिय एकेडेमी टोली ‘इन्डिया यू–१९ बीसँग प्रतिस्पर्धा गरेको नेपालको यू–१९ टोली ४० रनले पराजित भएको थियो ।
प्रतिक्रिया दिनुहोस !
