मलंगव : सर्लाहीको ब्रहम्पुरी गाउँपालिका–२ मा बस दुर्घटना हुदाँ दुई जनाको मृत्यु भएको छ भने २३ जना घाइते भएका छन्।
दुर्घटनामा परी मृत्यु हुनेहरुमा ईश्वरपुर नगरपालिका ९ का २६ वर्षीय नथुनी राय यादव र सोही ठाउँकी १९ वर्षीया अन्जु साह रहेको जिल्ला प्रहरी कार्यालय सर्लाहीले जनाएको छ। यादव र साहको घटना स्थलमै मृत्यु भएको हो।
मलंगवाबाट ईश्वरपुर जाँदै गरेको ना २ ख ८००३ नम्बरको बस ब्रहम्पुरी २ महादेव पोखरी नजिक अनियन्त्रित भई पल्टिदाँ दुर्घटना भएको प्रहरीले जनाएको छ।
बसको पट्टा भाँचिएर दुर्घटना भएको हो। पट्टा भाँचिदा यात्रुले बस रोक्न भन्दा चालकले बस नरोकेपछि दुर्घटना भएको घाइते भएका मनोज साहले बताए। ‘भनेको समयमा बस रोकेको भए दुर्घटना हुने थिएन्’, घाइते साहले भने, ‘चालकको लापरबाहीले दुर्घटना भयो।’
मृतकको शव अहिले सर्लाही अस्पताल मलंगवामा राखिएको छ। केही घाइतेको उपचार सर्लाही अस्पतालमा भइरहेको छ भने केहीको स्थानीय निजी अस्पतालमा उपचार भइराखेको छ। 
प्रतिक्रिया दिनुहोस !
