लन्डन : इङ्लिस प्रिमियर लिगको लयमा रहेको लिभरपुलले आफ्नो अपराजित यात्रा कायम राखेको छ। जितको लयलाई निरन्तरता दिएको लिभरपुलले शनिबार भएको खेलमा टोट्टनहामलाई २-१ गोलले हरायो।
अन्तर्राष्ट्रिय खेलपछि फेरि सुरु भएको लिगमा लिभरपुलले टोट्टनहामलाई दबाबमा राखेको थियो। टोट्टनहामको घरेलु मैदानमा खेलिएको खेलमा लिभरपुलले ३९औं मिनेटमा खाता खोलेको थियो। लिभरपुलका लागि जर्जिनिओ विजनाल्डमले पहिलो गोल गरेका थिए। पहिलो हाफमा १-० गोलको अग्रता बनाएको लिभरपुलले ५४औं मिनेटमा गोल गर्दै अग्रता दोब्बर बनायो। लिभरपुलका लागि दोस्रो गोल रोवर्टो फिरमिनोले गरे।
खेलको अन्तिमसम्म लिभरपुलको दबाबमा परेको टोट्टनहामले ९०औं मिनेटमा गोल फर्काए पनि हार टार्न सकेन। टोट्टनहामका लागि इरिक लामेलाले सान्त्वना गोल गरेका थिए। जितसँगै लिगमा पाँच खेल सकेको लिभरपुल अंकका आधारमा सात शीर्ष स्थानमा छ। समान खेलबाट टोट्टनहामले नौ अंक बनाएको छ।००००
प्रतिक्रिया दिनुहोस !
