काठमाडौं : यसै सिजन स्पेनिस क्लब रियल मड्रिडबाट इटालियन सिरिए च्याम्पियन युभेन्ट्समा अनुबन्ध भएका क्रिस्टियानो रोनाल्डो चौथो खेलमा गोल गर्न सफल भएका छन् ।
इटालियन सिरिए अन्तर्गतको खेलमा रोनाल्डोले दुर्इ गोल गर्दै युभेन्टसलार्इ विजयी बनाए । तर रोनाल्डोले युभेन्ट्समा पुगेपछि गोलको खडेरी तोड्न भने चौथो खेलसम्म कुर्नुपर्यो ।
रोनाल्डोको दुर्इ गोलमा युभेन्टसले सासुलोलाई २–१ गोल अन्तरले पराजित गरेको छ । पहिलो हाफ गोलरहित बराबरी भएको अवस्थामा रोनाल्डोले दुवै गोल दोस्रो हाफमा गरे ।
रोनाल्डोले ५०औं मिनेटमा गोल गर्दै युभेन्टसलाई अग्रता दिए । यो गोल नै इटालियन सिरिएमा रोनाल्डोको डेब्यू गोल पनि हो ।
उनले पहिलो गोल गरेको १५ मिनेटपछि दोस्रो गोल गर्न सफल भए । तर ९१ औं मिनेटमा खौमा बाबाकरले एक गोल फर्काएपछि खेल २-१ मा पुग्यो । त्यसपछि गोल नहुँदा रोनाल्डोकै गोल नै निर्णायक सावित भयो ।
प्रतिक्रिया दिनुहोस !
