पर्सा : पर्साको ठोरी गाउँपालिकामा आइतबार राति हात्तीको आक्रमणबाट एक महिलाको मृत्यु भएको छ। पर्सा वन्यजन्तु आरक्षबाट आएको जङ्गली हात्तीले आक्रमण गर्दा नुवाकोट घर भई गाउँपालिका-३ विजय बस्तीको खाजा पसलमा काम गर्ने २३ वर्षीया रजिना वाइबाको मृत्यु भएको हो।
पसलबाट कोठातर्फ जाने क्रममा हात्तीले गरेको आक्रमणमा परेर वाइबाको मृत्यु भएको जिल्ला प्रहरी कार्यालय पर्साका सूचना अधिकारी प्रहरी नायब उपरीक्षक सत्यनारायण थापाले जानकारी दिए।मृतक वाइबाको शव पोस्टमार्टमका लागि वीरगञ्ज ल्याउने तयारी भइरहेको छ।
पर्सा वन्यजन्तु आरक्षबाट आहाराको खोजीमा ठोरी गाउँपालिकामा राति आउने हात्तीको आक्रमणमा परी वर्षेनी पाँचजना बढीले ज्यान गुमाउनु परेको प्रहरीले जनाएको छ।
प्रतिक्रिया दिनुहोस !
