कालिकोट : संविधान दिवसको अवसर पारी कालिकोटको जिल्ला सदरमुकाम मान्म बजारको सरसफाइ गरिएको छ। जिल्ला प्रशासन कार्यालयको नेतृत्व, नेपाल प्रहरी र नेपाली सेनाको सक्रियतामा संबिधान दिवस २०७५ का अवसरमा जिल्ला सदरमुकाम मान्म बजार सरसफाइ गरिएको हो।
प्रमुख जिल्ला अधिकारी चन्द्रबहादुर कार्कीले असोज ३ गते संविधान दिवसको अवसरमा विभिन्न कार्यक्रम हुने र त्यसैको अवसरमा जिल्ला सदरमुकाम मान्म बजार तथा जिल्ला समन्वय समितिको खुलामञ्चको सरसफाइ गरिएको बताए।
यस्तै संविधान दिवसकै अवसरमा जिल्ला समन्वय समितिको खुला मञ्चलाई रंङरोगन पनि गरिएको छ । प्रमुख जिल्ला अधिकारी चन्द्रबहादुर कार्की, नेपाली सेनाको रणसुर गुल्मका गुल्मपती मेजर अमृत थापा मगर, जिल्ला प्रहरी प्रमूख डीएसपी बिनोद शर्मासहित नेपाल प्रहरी र नेपाली सेनाले हातमा बिल्चा, झाडो बोकेर बजार क्षेत्रमा सरसफाइ गरेका थिए।
२०७२ साल असोज ३ गते नेपालमा पहिलो पटक संविधान घोषणा भएको दिन पारी वर्षेनी संविधान दिवस मनाइँदै आएको छ।
प्रतिक्रिया दिनुहोस !
