गुल्मी : जिल्लाको सत्यवती गाउँपालिकाले संविधान दिवसको अवसमा सुनकाउली र कल्कीफूलका विरुवा रोपेको छ।
गाउँपालिकाले झण्डै तीन सय विरुवा रोपेको प्रमुख प्रशासकीय अधिकृत यादव भण्डारीले जानकारी दिए। ‘सुनकाउली र कल्कीफुलका वेर्ना रोप्यौं,’उनले भने,‘संविधान दिवसको अवसरमा वृक्षारोपण गरेका हौं।’
स्वच्छ, सुन्दर सत्यवती गाउँपालिका अभियान अन्र्तगत केन्द्र आसपासमा वृक्षारोपण गरी हरीयाली र सुन्दर बनाउन उद्देश्यले उक्त विरुवा रोपिएको गाउँपालिका अध्यक्ष पारीश्वर ढकालले बताए। ‘गाउँपालिका स्वच्छ बनाउने अभियान हो’,उनले भने,‘फुलका विरुवाले सुन्दरता बनाउँछ।’
वृक्षारोपणमा स्थानीय, जनप्रतिनीधी र कर्मचारीको उल्लेख्य उपस्थिति थियो। विरुवा जोगाउन प्रत्येक स्थानीय व्यक्तिले फलामको बार लगाउने र नियमित संरक्षण गर्ने जिम्मेवारी दिइएको भण्डारीले बताए।
सुनकाउली र कल्कीफुलका झण्डै तीन सय बढी विरुवा ईलाका वन कार्यालय वामीले गाउँपालिकालाई उपलब्ध गराएको थियो।
प्रतिक्रिया दिनुहोस !
