लन्डन : युरोपेली क्लब फुटबलको दोस्रो ठूलो प्रतियोगिता युरोपा लिगमा अधिकांश बलिया क्लबले सुखद सुरुआत गरेका छन् । प्रतियोगिताको बिहीबार राति भएको खेलमा इङ्लिस प्रिमियर लिग क्लब चेल्सी र आर्सनलले सफलता हात पारे भने इटालियन क्लब लाजियो र एसी मिलानले पनि आआफ्ना प्रतिद्वन्द्वीलाई पाखा लगाए । स्पेनिस क्लब सेभिल र जर्मन क्लब बायर लेभरकुसेनले पनि विजयी सुरुआत गरे ।
समूह ‘ई’ अन्तर्गतको खेलमा आर्सनलले आफ्नै मैदानमा युक्रेनी प्रतिद्वन्द्वी भोर्सला पोल्टाभालाई ४-२ गोलले हरायो । आर्सनलका लागि पियर एमरिकले दुई तथा डेनी वेलबेक र मेसुट ओजिलले एक÷एक गोलको योगदान गरे । सोही समूहको अर्को खेलमा पोर्चुगिज क्लब स्पोर्टिङ सीपीले घरेलु मैदानमै अजरबैजानको क्वाराबाग एफसीलाई २-० गोलले पराजित ग¥यो ।
समूह ‘एल’ अन्तर्गतको खेलमा चेल्सीले ग्रिसको पीएओके थेसालोन्कीलाई उसैको मैदानमा १-० गोलले हरायो । प्रतिस्पर्धात्मक खेलको सातौं मिनेटमै चेल्सीका लागि विलियनले निर्णायक गोल गरेका थिए । सोही समूहको अर्को खेलमा बेलारुसको एफसी बेटलाई २-० गोलले पराजित ग¥यो । समूह ‘एच’ अन्तर्गतको खेलमा लाजियोले घरेलु मैदानमा एपोलोन लिमासोललाई २-१ गोलले हरायो । लाजियोका लागि लुइस अल्बर्टो र सिरो इम्मोबाइलले एक÷एक गोल गरे । सोही समूहको अर्को खेलमा जर्मनीको इन्ट्र््याक्ट फ्रांकफर्टले फ्रान्सेली क्लब मार्सिल्लेलाई २-१ गोलले पाखा लगायो ।
समूह ‘एफ’ अन्तर्गतको खेलमा एसी मिलानले लग्जम्बर्गको डुडलेन्जलाई १-० गोलले हरायो । मिलानका लागि ५९औं मिनेटमा गोन्जालो हिग्वेनले निर्णायक गोल गरे । सोही समूहको अर्को खेलमा स्पेनिस क्लब रियल बेटिस र ग्रिसको ओलम्पियाकसले गोलरहित बराबरी खेल्दै अंक बाँडे । समूह ‘ए’ अन्तर्गतको खेलमा बायर लेभरकुसेनले लुडोगोरेट्स राजग्रादलाई उसैको मैदानमा ३-२ ले हरायो भने एफसी जुरिचले एईके लार्नाका १-० ले पराजित ग¥यो ।
यसैगरी समूह ‘बी’ मा सेल्टिक र साल्जबर्गले आआफ्नो खेल जिते । समूह ‘सी’ मा साल्भिया प्राग्वेले घरेलु मैदानमा बोर्डेक्सलाई १-० ले हरायो भने जेनिट सेन्ट पिटर्सबर्गले एफसी कोबेनहेभनलाई १-१ गोलरहित बराबरीमा रोक्यो । समूह ‘जे’ अन्तर्गतको खेलमा सेभिल र एफसी क्रासनोदर विजयी भए भने समूह ‘जी’ मा भिल्लारियल र रेन्जर्सले २-२ गोलको बराबरी खेले ।
प्रतिक्रिया दिनुहोस !
