एजेन्सी : यसै सिजन स्पेनिस क्लब रियल मड्रिडबाट इटालियन क्लब युभेन्टस गएका क्रिस्टियानो रोनाल्डोले युभेन्टसबाट तेस्रो गोल गरेका छन् । इटालियन घरेलु लिग 'सिरी ए' अन्तर्गत आइतबार फ्रोसिनोनेविरुद्धको खेलमा रोनाल्डोले एक गोल गरे । यसअघि यसैलिगको सेप्टेम्बर १६ मा भएको खेलमा सासुलोलाई २–१ ले हराउँदा रोनाल्डोले दुई गोल गर्दै युभेन्टसबाट गोलको खाता खोलेका थिए।
फ्रोसिनोनेविरुद्धको खेलमा ८० औं मिनेटसम्म रहेको गोलरहित बराबरीलाई तोड्दै रोनाल्डोले ८१ औं मिनेटमा गोल गरी युभेन्टसलाई अग्रता दिलाएका थिए । ९० मिनेटपछि ६ मिनेटको चथौं मिनेटमा फेडेरिको बर्नार्डेस्कीले गोल गरेपछि युभेन्टस २–० को जित निकाल्न सफल भयो । युभेन्टसले सिरी ए लिगका ५ खेल खेल्दा सबैमा जित हात पार्दै अंक तालिकाको शीर्ष स्थानमा रहेको छ ।
रोनाल्डोले सिरी ए को तेस्रो खेलसम्म गोल गर्न सकेका थिएनन् । गत बुधबार युरोपियन च्याम्पियन लिग अन्तर्गत यस सिजनको पहिलो खेलमै स्पेनिस क्लब भ्यालेन्सिया विरुद्ध खेल्दा रातो कार्ड पाएका रोनाल्डो घरेलु लिगमा भने लयमै देखिएका छन् ।।
प्रतिक्रिया दिनुहोस !
