बैतडीमा आगलागीबाट घर जलेर नष्ट, करिब ८ लाखको क्षति
असोज १०, २०७५ बुधबार १०:५१:०
बैतडी : बैतडीको दोगडाकेदारमा मंगलबार राति आगलागी हुँदा एक घर जलेर पूर्णरुपमा नष्ट भएको छ। दोगडाकेदार गाउँपालिका- ३ श्रीकोटस्थित बिष्टटोलका वीरभानसिंह विष्टको घर जलेर पूर्णरुपमा नष्ट भएको हो।
राति १ बजेतिर भएको आगलागी बुधबार बिहान ४ बजे मात्रै नियन्त्रणमा आएको बताइएको छ। आगलागी स्थानीय बासिन्दा र खोचलेक प्रहरी चौकीको सहायतामा नियन्त्रणमा लिइएको हो। विष्टको ६ कोठे घर तथा सरसमान जलेर नष्ट हुँदा करिब ८ लाख बराबरको क्षती भएको प्रारम्भिक अनुमान गरिएको छ।
आगलागीबाट कुनै मानवीय क्षति भने नभएको खोचलेक प्रहरी चौकीका प्रहरी प्रमुख प्रहरी सहायक निरीक्षक श्यामसिंह महराले जानकारी दिए । उनले भने, 'आगलागी हुँदा घरमा कोही नभएकाले मानवीय क्षति भएन्। घर पूर्ण रुपमा जलेको छ। विद्युत सर्टभइ आगलागी भएको अनुमान गरिएको छ।'
प्रतिक्रिया दिनुहोस !
