जाजरकोट : संघीय सरकारले गत वर्ष खारेज गरेको जिल्ला कृषि विकास कार्यालय कृषि ज्ञान केन्द्रको नाममा पुनः स्थापना भएको छ । कर्णाली प्रदेशका भूमी व्यवस्था, कृषि तथा सहकारी मन्त्री विमला केसीले बुधबार यसको उद्घाटन गरेकी हुन् ।
केन्द्र सरकारले कर्णालीका १० मध्ये सात जिल्लामा कृषि ज्ञान केन्द्र र पशु विज्ञ केन्द्रका नाममा कार्यालय खोल्ने निर्णय गरेवमोजिम जाजरकोटमा पनि ज्ञान केन्द्र स्थापना भएको हो ।
कर्णाली प्रदेश सरकारको भूमी व्यवस्था, कृषि तथा सहकारी मन्त्रालयले प्रदेशका बाँकी तीन जिल्लामा पनि कार्यालय खोल्ने निर्णय गरेपछि सबै जिल्लामा पशु र कृषिका समन्वय कार्यालय रहने भएका छन् ।
कृषि ज्ञान केन्द्र नखोल्ने निर्णय भएका जिल्ला सुर्खेत, सल्यान र मुगुमा पनि प्रदेश सरकारले स्थापना गर्ने भएको छ । कृषि ज्ञान केन्द्र उद्घाटनको क्रममा सहकारी मन्त्री तथा सरकार प्रवक्ता केसीले संघीयता असफल बनाउने षड्यन्त्र भइरहेको शंका गर्दै सबै मिलेर काम गर्नुपर्ने बताएकी थिइन्।
प्रतिक्रिया दिनुहोस !
