जाजरकोट : कुशे गाउँपालिका–२ स्थित टालेगाउँमा सडक निर्माणको क्रममा स्काभेटरले किच्दा एक बालकको मृत्यु भएको छ ।
स्काभेटरले किचेर टालेगाउँका कर्णबहादुर सिंहका ७ वर्षीय छोरा धीरेन्द्र सिंहको मृत्यु भएको प्रहरीले जनाएको छ । उक्त स्काभेटर कुशे गाउँपालिका वडा नम्बर २ का वडाअध्यक्ष जनक शाहीको भएको स्थानीयले बताएका छन् ।
घटनास्थलमै बालकको मृत्यु भएपछि स्काभेटरका चालक फरार छन् । जिल्ला प्रहरी कार्यालयका निमित्त प्रमुख प्रहरी निरीक्षक ईन्द्रजित सुनारका अनुसार चालकको खोजी भएको छ ।घटनापछि स्काभेटरका मालिक तथा वडा अध्यक्ष जनक शाहीसँग क्षतिपुर्तिको विषयमा स्थानीयले छलफल गर्ने बताएका छन्।
प्रतिक्रिया दिनुहोस !
