परासी : पूर्वपश्चिम-राजमार्ग अन्तर्गत पूर्वी नवलपरासीको कावासोती नगरपालिका -१६ पत्थरखोलामा शनिबार बिहान भएको दुर्घटनामा २ जनाको मृत्यु भएको छ। ३२ जना घाइते भएका छन्।
बर्दियाबाट काठमाडौंका लागि छुटेको ना ७ ख ५६२९ नम्बरको बस विपरित दिशाबाट जाँदै गरेको ना ६ ख ७७१९ नम्बरको ट्रकसंग ठोक्किँदा दुर्घटना भएको नवलपुर प्रहरीले जनाएको छ ।दुर्घटनामा मृत्यु हुनेमा बस चालक बाँके जिल्ला कोहलपुर नगरपालिका- ४ का २३ वर्षीय सुरज विक र कपिलवस्तु जिल्ला वाणगंगा नगरपालिका-४ का २४ वर्षीय लक्षमण थारू रहेका छन् ।
ट्रक चालक फरार रहेको प्रहरीले जनाएको छ । घाइतेमध्ये बढी चोट लागेका १० जनाको भरतपुर मेडिकल कलेजमा उपचार भइरहेको छ। अन्यको अवस्था सामान्य रहेको प्रहरीले जनाएको छ ।
प्रतिक्रिया दिनुहोस !
