सहिद स्मारक ए डिभिजन लिग : उद्घाटन खेलमा आर्मी र एनआरटीको बराबरी
असोज १३, २०७५ शनिबार १८:५:०
काठमाडौं : सहिद स्मारक ए डिभिजन लिगको उद्घाटन खेलमा त्रिभुवन आर्मी क्लब र न्यूरोड टिम एनआरटी ले २–२ गोलको बराबरी खेलका छन्। यससँगै दुबै टिमले १/१ अंक बाँडेका छन्।
चार वर्षदेखि घरेलु फुटबल आन्तरिक कलहमा फसेपछि स्थगित हुँदै आइरहेको लिग आजबाट सुरु भएको हो। एन्फा कम्प्लेक्सको खेल मैदान सातदोबाटोमा भएको खेलको १२ औँ मिनेटमा एनआरटीले अग्रता लिएको थियो। रोजित पुडासैनीले एनआरटीका तर्फबाट गोल गरी अग्रता लिएका थिए।
आर्मीका सन्तोष तामाङले पेनाल्टी मार्फत ३७ औँ मिनेटमा बराबरी गरे। दोस्रो हाफमा राजेश परियारले अर्को गोल गर्दै एनआरटीलाई फेरि अग्रता दिलाए।
तर खेलको इन्जुरी समयमा पाएको फ्रिकिकलाई सन्तोषले सदुपयोग गरेपछि आर्मी हारबाट जोगिएको हो।
प्रतिक्रिया दिनुहोस !
