काठमाडौं : इन्जिनियरिङ अध्ययनका लागि कालिमाटीस्थित काठमाडौं इन्जिनियरिङ कलेज (केईसी) एक आकषणको केन्द्र हो । निजी इन्जिनियरिङ कलेजमध्ये त केईसीलाई उत्कृष्ट मानिन्छ ।
त्रिभुवन विश्वविद्यालयबाट सम्बन्धन लिई बिई सिभिल, बिई कम्प्युटर, बिई ईलेक्ट्रीकल, बिआर्क, बिई ईलेक्ट्रोनिक्स, कम्युनिकेसन एण्ड ईन्फर्मेशन इन्जिनियरिङ यहाँ अध्यापन हुँदै आएको छ ।
सुन्दर शैक्षिक वातावरण, सुविधासम्पन्न हाइटेक ल्याबसहित प्रतिष्ठित फ्याकल्टीलाई पनि केईसीको विशेष पक्ष मानिन्छ । साढे १७ रोपनी क्षेत्रफलमा फैलिएको केईसीले हाल ३० रोपनी जग्गामा होस्टेलसहित कलेज निर्माण गर्न थप जग्गा खरिद गरिसकेको छ । शैक्षिक वातावरण, अब्बल फ्याकल्टी, सुविधासम्पन्न ल्याब, ख्यातिप्राप्त व्यवस्थापन टीमलाई अभिभावकीय नेतृत्व दिँदै आएका केईसीका सल्लाहकार प्रा.डा. दिनेशकुमार शर्मासँग गरिएको कुराकानीः
केईसीका फ्याकल्टीबारे जानकारी दिनुहोस् न ?
हामीले बिई सिभिल, बिई कम्प्युटर, बिई इलेक्ट्रीकल, बिआर्क, बिई इलेक्ट्रोनिक्स, कम्युनिकेसन एण्ड इन्फर्मेसन इन्जिनियरिङ चलाइरहेका छौँ । त्रिभुवन विश्वविद्यालयको इन्जिनियरिङ अध्ययन संस्थान पुल्चोकले यही शैक्षिक सत्रदेखि परिमार्जन गरेका कार्यक्रम अनुसार हामीले पनि लागु गरेका हौँ ।
इलेक्ट्रोनिक्स एण्ड कम्युनिकेसन इन्जिनियरिङमा इन्फर्मेशन थपेर परिमार्जित गरिएपछि त्यसमा नयाँ के कुरा छन् ?
इलेक्ट्रोनिक्स र कम्युनिकेसनका कुरा यथावत छन् । कम महत्वपूर्ण कोर्स झिकेर इन्फर्मेसन इन्जिनियरिङका नवीनतम कुरा राखेका छौँ । सुचना प्रविधिमा आधारित परिवर्तित जमानालाई मध्यनज गर्दै सुचनालाई कसरी कम्प्युटरको माध्यमबाट मानिसको हितमा उपयोग गर्ने भन्नेबारे कोर्स थपेका छौँ ।
नेपालमा इन्जिनियरिङका कुन—कुन विधामा बढी आकर्षण छ ?
नेपालको परिप्रेक्ष्यमा इन्जिनियरिङ विषयमध्ये सिभिलमा विद्यार्थीको चाप बढी छ । त्यसपछि कम्प्युटर, बिआर्कमा आकर्षण राम्रो छ । अरुमा विगत वर्षहरुदेखि नै विद्यार्थी कम भइरहेका छन् ।
त्रिभुवन विश्वविद्यालयका इन्जिनियरिङका उत्पादनको गुणस्तर कस्तो छ ?
त्रिभुवन विश्वविद्यालयअन्तर्गत इन्जिनियरिङ कलेजहरुको राम्रो ख्याति छ । त्रिभुवन विश्वविद्यालयका आफ्नै चार कलेज छन् । सम्बन्धनप्राप्त नीजि क्षेत्रका ६ वटा कलेज छन् । यी सबै इन्जिनियरिङ कलेजका उत्पादनको गुणस्तर एकदमै राम्रो छ । हाम्रो उत्पादन पनि स्वभाविक रुपमा राम्रा छन् ।
विदेशका कुनै शैक्षिक संस्थासँग पनि सहकार्य गरिरहनुभएको छ कि ?
काठमाडौं इन्जिनियरिङ कलेजको विदेशका धेरै कलेजहरुसँग पनि एमयु गरेको छ । केईसीबाट पास आउट भएका हाम्रा विद्यार्थीले विदेशका राम्रा र ख्यातिप्राप्त विश्वविद्यालयमा छात्रवृत्तिमा माष्टर्स र पीएचडी गरिरहेका छन्।
प्रतिक्रिया दिनुहोस !
