स्कुल लेभल पार गरेर क्याम्पस प्रवेश गरेका विद्यार्थीलाई कुन विषय छान्ने, कुन विषयमा भविष्य छ भनेर लेखाजोखा गर्न कठिन हुन्छ । बजारमा शिक्षण संस्थाबीच हुने अस्वस्थ्य प्रतिस्पर्धाले त झन् विद्यार्थीलाई अलमलमा पारेको हुन्छ । साथीहरूको लहलहैमा लागेर बिना पर्याप्त जानकारी विषय छान्ने र बीचैमा पढाइ छाड्ने सम्भावनासमेत हुन्छ ।
यसले एकातिर समय बरबाद भइरहेको हुन्छ भने अर्कोतिर पढेपछि डिग्री मात्रै हात लाग्ने र काम पाउन गाह्रो हुनेसमेत हुन सक्छ । यहाँ कसरी विषय छान्नेबारे टिप्स दिइएको छ :
तपाईंको रुचिअनुसार विषय छान्नुहोस्
पढ्ने विषय छनोट गर्दा आफ्नो रुचि प्रस्ट हुनुपर्छ । कसैको दबाब वा लहलहैमा छानेको विषय भविष्यमा काम नदिन समेत सक्छ । पटकपटक पढाइमा समय खर्चिन नसकिने हुनाले बेलैमा होस पुर्याउन जरुरी छ ।
उचित सल्लाहकार छान्नुहोस्
हिजो आज अधिकांश कलेजमा सल्लाहकार नियुक्त गरिएको हुन्छ । उनीहरूले तपाईंका जिज्ञासा समाधान गरिदिनुका अतिरिक्त सही सल्लाहसमेत दिन सक्छन् । उनीहरूको सल्लाह तपाईंलाई पनि उपयोगी हुन जरुरी छ, न कि सल्लाह दिने संस्थाको मात्र ।
खर्चको लेखाजोखा गर्नुुहोस्
ढाइमा तपाईं कति खर्च गर्न सक्नुहुन्छ, त्यसमा प्रस्ट हुनुहोस् । कहिलेकाहीँ खर्च धान्न नसकेर बीचैमा पढाइ छाड्नुपर्ने बाध्यता हुन सक्छ । त्यसकारण धेरै खर्च गरेर जोखिम मोल्नुु हुँदैन । यसको सट्टा छात्रवृत्तिका लागि पहल गर्न सकिन्छ ।
परिवारसँग सल्लाह गर्नुुहोस्
क्याम्पसमा उच्च अध्ययनका लागि छान्ने विषय तपाईंको रुचिअनुसारको हुनुपर्छ । तर यसमा परिवारको सल्लाह पनि उत्तिकै महत्वपूर्ण हुन्छ । परिवारको सल्लाह र अनुमति भएन भने सहयोग नपाउन पनि सकिन्छ ।
नयाँ छान्ने, पुरानालाई नपन्छाउने
पुराना विषयको तुलनामा नयाँ विषय पढ्ने विद्यार्थीलाई रोजगारीको सम्भावना बढी हुन्छ । यसतर्फ समेत ध्यान दिन जरुरी छ । बजारको मागका बारेमा समेत प्रस्ट हुन जरुरी छ ।
अनुसन्धानमा सहज विषय छनोट
विषय छनोट गर्दा उच्च तहको अध्ययन र त्यसको सहजताका बारेमा समेत जानकारी राख्नुपर्छ । माथिल्लो तहको अध्ययन गर्न सहज भएन भने त्यो पनि राम्रो हुँदैन ।
छिटै आफ्नो सिट सुरक्षित गर्नुुहोस्
कतिपय नयाँ र राम्रा विषयमा पढ्ने सिट पाउनै गाह्रो हुन्छ । यसका लागि चनाखो हुनुपर्छ । त्यसकारण एकै विषयमा मात्रै ध्यान केन्द्रित नगरेर विकल्पहरू पनि खोजी गरिरहनुुपर्छ ।
विद्यार्थीको प्यारो बन्न के गर्ने
शिक्षकलाई टिप्स :
- कक्षा कोठामा सधैं सकारात्मक बन्नुहोस् ।
- विषयवस्तुको ज्ञान राख्नुहोस् ।
- विद्यार्थीको रुचि र पठन सामग्रीबारे जानकारी राख्नुहोस् ।
- विद्यार्थीलाई उत्प्रेरित गर्नुहोस् ।
- हौसला बढाउनुहोस्।
- विद्यार्थीका चाहना, आवश्यकताबारे प्रस्ट हुनुहोस् ।
- अभिभावकसँग सम्बन्ध बढाउनुहोस् ।
- गुनासो सुन्नु बानी गर्नुहोस् ।
प्रतिक्रिया दिनुहोस !
