काठमाडौं : एसियन क्रिकेट काउन्सिल(एसीसी)को आयोजनामा बंगलादेशमा जारी यू–१९ एसिया कपमा नेपालले अहिले अफगानिस्तानको सामना गरिरहेको छ । टस जितेर पहिले ब्याटिङ गरेको नेपालले अफगानिस्तानलाई जितका लागि १३२ रनको झिनो लक्ष्य दिएको छ । ३८.२ ओभरमा अलआउट हुँदै नेपालले १३१ रन बनाएको छ ।
खराब सुरुवात गरेको नेपालका लागि रोहित कुमार पौडेलले सर्वाधिक ४६ रन बनाए । रसिद खानले ३० र मोहमद आहिफ शेखले २० र रीत गौतमले १० रन बनाउनुबाहेक अन्यले दोहोरो अंकको स्कोर बनाउन सकेनन् ।नेपालाई न्यून स्कोरमै समेट्ने क्रममा अफगानिस्तानका अजमातुल्लाह ओमारजाइ एक्लैलेले ४ विकेट लिए ।
२१ रन बनाउँदा ४ विकेट गुमाइसकेको नेपालका लागि कप्तान मोहमद आशिफ शेख र रोहितकुमार पौडेलले राम्रो साझेदारी गर्दै ७४ रनसम्म पुर्याएका थिए । २४.२ ओभरमा आशिफ शेख आउट भएपछि आएका भीम सार्की ५ रन बनाएर आउट भए । त्यसपछि आएका कमसिंह ऐरी पनि शुन्य रनमै पेभिलियन फर्किए । ९ औं नम्बरमा मैदान छिरेका रसिद खानले भने विस्फोटक ब्याटिङ गरे ।
२५ बलमा ५ चौका र १ छक्कासहित ३० रन बनाएर रसिद आउट हुँदा नेपालको स्कोर ११९ रन पुग्यो । सागर ढकालसँग साझेदारी गर्दै स्कोर १३१ पुर्याउँदा रोहित पौडेल व्यक्तिगत ४६ रनमा आउट भए रोहित आउटभएपछि मैदान छिरेका अन्तिम ब्याट्सम्यान सूर्य तामाङ पहिलो बलको सामना गर्दै आउट भए ।
शनिबार पहिलो खेलमा भातरसँग १७१ रनले पराजित भएको थियो ।
प्रतिक्रिया दिनुहोस !
