खाना खाने वित्तिकै चिया किन पिउनुहुँदैन ? कारण यस्तो रहेछ
असोज १६, २०७५ मंगलबार १६:१०:०
प्रायजसो चिया बिहानको समयमा पिउने गरिन्छ।कसैले दूध चिया पिउँछन् भने कसैले कालो चिया पिउने गर्छन्। जे भएपनि चिया सबैको रोजाइमा पर्ने खान्की हो। हामीकहाँ घरमा आएका पाहुनालाई चियाले सत्कार गर्ने चलन छ।यतिमात्र नभएर साथीसँग भेट हुँदा होस् वा आफन्तसँग भेटघाट हुँदा चियाको चुस्कीसँगै गफ सुरु गरिन्छ।यसैले चिया, हाम्रो जीवनशैली नै बनेको छ।
कतिपयले बिहान एक कप दूध चिया पिउँदा उर्जा मिलेको समेत बताउँछन्। तर, चिया कति बेला कति पिउने वा कुन चिया पिउनेबारे हेक्का नराख्दा यसले फाइदा भन्दा मन्द विषको काम गर्छ।
कतिपयको खाना खानेवित्तिकै चिया पिउने बानी हुन्छ। यसो गर्नु स्वास्थ्यका लागि फाइदा नहुने विज्ञहरु बताउँछन्। खाना खाने वित्तिकै चिया पिउँदा स्वास्थ्यलाई बढी बेफाइदा हुने गर्छ।बिहान खाली पेट दूध चिया पिउँदा यसले अपच हुने मात्र नभइ ग्याष्ट्रिक समेत निम्त्याउँछ।त्यसैले चिया पिउनै परे कालो चिया वा ग्रीन टी पिउँदा फाइदा हुन्छ।
कालो चियामा मरिचको धूलो वा तुलसीको पत्ता राखेर पनि पिउन सकिन्छ।यसले पेटसम्बन्धी समस्यालाई हटाउन सहयोग गर्छ।कालो चियामा कागती राखेर पिउँदा मोटोपन घटाउँछ।त्यसैले चिया पिउनै परे ठीक समयमा गुणस्तरीय चिया पिउने बानीको विकास गरौं।
चियाका बेफाइदा :
१- खाने खाने वित्तिकै चिया पिउँदा यसमा भएको तत्वले शरीरमा आइरनको कमी गराउनमा सहयोग गर्छ।
२- पेट दुख्ने समस्यालाई बढाउँछ।
३- प्रशस्त मात्रामा चिया पिउँदा यसमा हुने कैफीनले ब्लड प्रेसर उच्च बनाउँछ।
४- ब्लड प्रेसर उच्च भएकाहरुले चिया पिउँदा मुटुको धड्कन बढाउँछ।
५- खाना खाने वित्तिकै चिया पिउँदा ग्याष्टिकको समस्या हुन्छ।
६- खाना खाएको करिब एक घन्टा पछि मात्र चिया पिउनु बुद्धिमानी मानिन्छ।
७- यदि चिया पिउने बानी छ भने दूध चियाभन्दा ग्रिन टी वा कालो चिया पिउँदा फाइदा हुन्छ।
प्रतिक्रिया दिनुहोस !
