बेनी : म्याग्दीको धवलागिरी गाउँपालिका ४ खाम्लाका भलिबल खेलाडी मनबहादुर खड्का बिहीबार मृत फेला परेका छन्।
मंगलबार साँझदेखि घरबाटै सम्र्पक बिहीन भएका अन्दाजी २५ वर्षीय खड्का खाम्लादेखि ताकम जाने बाटोमा पर्ने भिरमा मृत भेटिएका जिल्ला प्रहरी कार्यालयले जनाएको छ।
शव भेटिएको सूचना पाएपछि इलाका प्रहरी कार्यालय दरवाङको टोली घटनास्थलतर्फ गएको छ।
खड्काको शव परीक्षणका लागि बेनी स्थित अस्पतालमा ल्याaइने प्रहरीले जनाएको छ। खड्काको मृत्युको बारेमा अनुसन्धान सुरु गरेको जनाएको छ। मृतक खड्का भलिबल खेलाडी थिए।
गाउँपालिकाका अध्यक्ष थमसरा पुन र उपाध्यक्ष रेशम छन्त्यालले खड्काले गाउँपालिकाको प्रतिनिधित्व गरेर जिल्ला स्तरीय भलिबल प्रतियोगितामा सहभागी भएका बताउदै निधनप्रती दुख व्यक्त गरेका छन्।
प्रतिक्रिया दिनुहोस !
