भोजपुर : भोजपुर सदरमुकामको एक घरमा खाना पकाउने ग्यास चुहिएर आगलागी भएको छ । भोजपुर नगरपालिका–७ डाँडागाउँस्थित त्यही वडाका अध्यक्ष जयबहादुर तामाङको घरमा आगलागी हुँदा लाखौँको धनमाल जलेको हो ।
आगोले त्यही घरमा रहेको एउटा किराना पसल र गेस्ट हाउसमा क्षति पुगेको प्रहरीले जनाएको छ । आइतबार अपरान्ह सवा ३ बजे आगालागीमा हुँदा बालकुमारी तामाङको किराना पसल र टक्सारका दिलीपकुमार तामाङको केएफसी गेष्टहाउसम क्षति पुगेको जिल्ला प्रहरी कार्यालय भोजपुरले जनाएको छ ।
आगोबाट भएको क्षतिको विस्तृत विवरण प्राप्त भइनसकेको जिल्ला प्रहरी कार्यालय भोजपुरका डीएसपी केशवकुमार थेबेले बताए । आगो लाग्नासाथ सदरमुकामस्थित स्थानीयबासी, सुरक्षाकर्मी र नगरपालिकाको दमकल परिचालित भएर करिब आधा घण्टामा नियन्त्रणमा लिएक थिए ।
प्रतिक्रिया दिनुहोस !
४
