कालिकोट : सदरमुकाम मान्म बजारमा जिल्ला प्रशासन कार्यालयको टोलीले गरेको अनुगमनको क्रममा १ लाख रुपैयाँ बराबरको अखाद्य वस्तु भेटिएपछि तिनलाई नष्ट गरिएको छ ।
जिल्ला प्रशासन कार्यालय कालिकोट, घरेलु तथा साना उद्योग विकास समिति, कालिकोट उद्योग वाणिज्य संघ र उपभोक्ता महासंघ कालिकोटले गरेको संयुक्त अनुगमनमा फोला परेका अखाद्य वस्तु नष्ट गरिएको हो ।
जिल्ला प्रशासन कार्यालयका सहायक प्रमुख जिल्ला अधिकारी राजकुमार दुलालको नेतृत्वमा गएको संयुक्त अनुगमन टोलीले बुधबार स्थानीय होटेल, खाद्य पसल लगायतमा अनुगमन गरेको हो ।
अनुगमनका क्रममा अनुगमन टोलीले म्याद नाघेका बीयर, जूस लगायत अन्य खाद्य वस्तु पनि भेटेपछि नष्ट गरी पसलेलाई त्यस्ता सामान नबेच्न सचेत गराएको थियो । व्यापारीहरुले भने स्थानीय सहर सुर्खेतबाट ल्याएका सामान नै म्याद नाघेकोले आफूले लैजाने सामान पनि म्याद नाघेको हुने बताए ।
प्रतिक्रिया दिनुहोस !
