दमौली : गण्डकी प्रदेशका मुख्यमन्त्री पृथ्वीसुब्बा गुरुङले प्रहरीमा राजनीतिकरण भएका कारण यसले राम्रो काम गर्न नसकेको टिप्पणी गरेका छन् ।
‘प्रहरीमा पार्टीकरण भएकाले यसले साचेजस्तो काम गर्न सकेको छैन,’ प्रहरीमाथि विभिन्न बलात्कारका घटनामा प्रभावकारी अनुसन्धान गर्न नसेकेको आरोपप्रति लक्षित गर्दै उनले, ‘अब राजनीति हटाएर व्यवसायिक बनाउन जरुरी छ ।’
विगतमा भएका आन्दोलनमा कर्मचारीसमेत संलग्न हुने गरेको भन्दै यसरी हुने राजनीतिकरणले गर्दा सरकारी कर्मचारीमा काम गर्ने भावना विकास नभएको गुरुङले बताए । यसबाहेक मुख्यमन्त्री गुरुङले स्थानीय सरकारले उठाएको करको पक्षमा आफू रहेको भन्दै सामाजिक सुरक्षा पनि प्रत्याभुति गराउनुपर्ने बताए ।
‘स्थानीय सरकारले उठाएको कर सही छ,’ उनले भने, ‘तर कर उठाउनुको, बढाउनुको कारण र औचित्य पनि नागरिकलाई बताउनुप¥यो ।’ सबैभन्दा बढी कर उठाउने मूलुक पनि विश्वमै राम्रो सामाजिक सुरक्षा भएको मूलुकका उदाहरण देखाउँदै नेपालमा पनि कर उठाए सँगै सामाजिक सुरक्षा प्रत्याभुति गराउनुपर्ने बताए । महिला तथा किशोरीविरुद्धको हिंसा रोक्नका लागि भन्दै जिल्ला प्रहरी कार्यालय तनहुँले थालेको ‘सँगै हिंडौँ’ अभियानको उद्घाटनको क्रममा उनले यस्तो बताएका हुन् ।
प्रतिक्रिया दिनुहोस !
