धनगढी : कैलालीको गोदावरी नगरपालिका-१ मा बसमा मोटरसाइकल ठक्कर खाँदा दुईजनाको मृत्यु भएको छ।
बिहीबार टीकापुरबाट अत्तरियातर्फ आउँदै गरेको ना ५ ख ८०४९ नम्बरको बस र विपरीत दिशा बाट गुडिरहेको से ५ प ७५३६ नम्बरको मोटरसाइकल ठक्कर खाँदा दुईजनाको मृत्यु भएको हो।
दुर्घटनामा मोटरसाइकलमा सवार गोदावरी नगरपालिका ६ का २८ वर्षीय हेमन्त साउद र गोदावरी नगरपालिकाकै २६ वर्षीय विक्रम खड्काको मृत्यु भएको हो।
उनीहरुको अत्तरियास्थित पदमा अस्पतालमा प्राथमिक उपचारपछि भारतको बरेली उपचारका लागि लाने क्रममा बाटोमै मृत्यु भएको प्रहरीले बताएको छ। प्रहरीले बसका चालकलाई नियन्त्रणमा लिएर अनुसन्धान अगाडि बढाएको इलाका प्रहरी कार्यालय मालाखेतीले जनाएको छ।
प्रतिक्रिया दिनुहोस !
