चर्चित रियालिटी सो ‘बिग बोस सिजन १२’ को सेटमा एउटी महिला आइन्। उनले आफूसँगै भएका नौजना बालबालिका सलमान खानको सन्तान हुन् भनेपछि एकैछिन सेटमा खलबली नै मच्चियो।
त्यहाँ उपस्थित सबै बालक विभिन्न फिल्ममा सलमानले निभाएका चरित्रको रूपमा उपस्थित थिए। तीमध्ये कोही ‘तेरे नाम’ त कोही ‘ट्युबलाइट’ अनि कोही सलमानको ‘दबंग’को चुलबुल पाण्डे त कोही ‘बजरंगी भाइजान’ बनेर आएका थिए।
स्टेजमा आउने ती महिला अरू कोही नभई भारतीय टेलिभिजन जगत्की कमेडी क्विन भारती सिंह थिइन्। भारतीले यस अगाडिका सोमा पनि यसरी नै बालकलाई लिएर सलमानको सोमा आएकी थिइन्। यस्तो दृश्य देखेर ‘बिग बोस’ का प्रायः दर्शकले यसका निर्मातालाई अरू केही सोच नफुरेको भन्दै आलोचना गरे।
प्रतिक्रिया दिनुहोस !
