धादिङ : धादिङको थाक्रे गाउँपालिका-१० मानेडाँडामा शुक्रबार साँझ टिपर पल्टिदाँ तीन जनाको मृत्यु भएको छ।
थाक्रे गाउँपालिका-१०, भीमसेनथानबाट गल्छी गाउँपालिकाको चकमके जाँदै गरेको बा ५ प २४१८ नम्बरको टिपर अनियन्त्रित भएर दुर्घटनामा परेको प्रहरीको भनाइ छ।
दुर्घटनामा दुई जनाको घटनास्थलमा र एकको उपचारका लागि लाने क्रममा बाटोमा मृत्यु भएको इलाका प्रहरी कार्यालय खानीखोलाका इन्पेक्टर उद्धव पोखरेलले जानकारी दिए।
मृत्यु हुनेमा थाक्रे -१० का ३२ वर्षीय महेश तामाङ, सोही ठाउँका ५० वर्षीया सावित्री तामाङ र ६० वर्षीया सोममाया तामाङ रहेको छन्।
दुर्घटनामा तीनजना घाइते भएका छन्। घाइते हुनेमा टिपर चालक हरेन्द्र तामाङ, टेकबहादुर तामाङ र चारवर्षीया बालिका रहेका छन्।
घाइतेहरुको उद्दार गरी उपचारका लागि काठमाडौँ पठाइएको छ। टिपर सडकबाट पाँच सय मिटर तल खसेको प्रहरीले जानकारी दिएको छ।
प्रतिक्रिया दिनुहोस !
