परासी : स्वतन्त्र मधेस गठबन्धन (सीके राउत समूह) का केन्द्रीय उप–संयोजक कैलाश महतोलाई प्रहरीले पक्राउ गरेको छ ।
पश्चिम नवलपरासीको सदरमुकाम परासीस्थित बुद्धचोकमा कार्यकर्ता जम्मा गरेर भाषण गर्ने क्रममा शनिबार साँझ पक्राउ गरिएको प्रहरीले जनाएको छ । महतोसहित प्रहरीले २४ जनालाई पक्राउ गरेको हो।
पक्राउ परेका २२ जनालाई साँझ नै छाडेपनि उनीसहित नवलपरासी जिल्ला संयोजक श्रीकृष्ण यादवलाई मुद्दा चलाइएको छ । महोत्तरी जिल्ला स्थायी घर भएका महतो लामो समयदेखि परासी सदरमुकाममा परिवारसहित बस्दै आएका छन् । सीके राउतपछि उनी संगठनमा दोस्रो तहका हुन्।
शान्ति सुरक्षालाई बिथोल्दै राष्ट्रिय एकतामा खलल पुग्ने गरी अभिव्यक्ति दिएकाले उनीहरुलाई पक्राउ गरी थुनामा राखिएको जिल्ला प्रहरी उपरीक्षक राजेन्द्रप्रसाद भट्टले बताए ।
उनीहरु माथि अपराध संहिताको दफा ४९ बमोजिम ‘राज्यविरुद्धको कसुर’ अन्तरगत मुद्दा प्रकृया अघि बढाइएको भट्टले जानकारी दिए।
प्रतिक्रिया दिनुहोस !
