मलंगवा : दसैंको अवसरमा बागमती नगरपालिकाले ४९ जना द्धन्द्धपीडित अनाथ बालबालिकालाई १ लाख बराबरको खाद्यान्न, कपडा र खसी प्रदान गरेको छ ।
सर्लाहीको हरिवन नगरपालिका–५ स्थित घुर्कौलीमा रहेको चेतना संदेश नेपाल द्वन्द्व पीडित बालगृहमा रहेका बालबालिकालाई दसैंको उपलक्ष्यमा सहयोग प्रदान गरिएको हो ।
सोमबार बागमती नगरपालिकाका मेयर भरत कुमार थापाले बालगृह पुगेर बालबालिकालाई खाद्यान्न, नयाँ लुगा र खसी प्रदान गरेका हुन् । सबैको दसैं रमाइलो होस् भन्ने ठानेर दसैंमा सहयोग गरेको मेयर थापाले बताए । साथै द्धन्द्धपीडित अनाथ बालबालिकालाई सहयोग गर्न पाएकोमा खुसी लागेको बताए ।
चाडबाडको समयमा यस्तो सहयोगले बालबालिकालाई हौसला भन्दै बालगृहका संचालक सुरेन्द्र लामाले बताए । बालगृह सहयोगबाटै संचालन हुँदै आएको संस्था हो । बालगृहमा अहिले ४९ जना द्धन्द्धपीडित बालबालिका छन् ।
प्रतिक्रिया दिनुहोस !
