रुकुम : रुकुम पूर्वको सिस्ने गाउँपालिका-५ रुकुमकोटका ७५ वर्षीय दिलबहादुर बुढाको घरमा आगलागी भएको छ । आगलागीबाट अन्नपात, धनमानसहित घर जलेर ध्वस्त भएको छ भने ३८ वर्षीया बुहारी मोतिकला बुढा घाइते भएकी छन् ।
गोठमा बाँधेको भैँसी पनि घाइते भएको छ । घाइते मोतिकलालाई थप उपचारको लागि नेपालगन्ज लगिएको छ । उनका हात, खुट्टा र ढाड पोलिएका छन् । खाना पकाउँदा आगलानी भएको हुन सक्ने अनुमान गरिएको प्रमुख जिल्ला अधिकारी मित्रलाल शर्माले जानकारी दिए ।
स्थानीय सरकारले सहयोग नगरेको गुनासो गरेको गुनासो पीडित दिलबहादुरले गरेको छन् । यता जिल्ला प्रशासन कार्यालय रुकुमले तत्कालको लागि पीडितलाई राहत उपलब्ध गराएको छ ।
बस्ने बास र खाने गाँससमेत नरहेपछि घट्ना लगत्तै बुढाको परिवारलाई राहत कोषबाट राहत वितरण गरिएको प्रमुख जिल्ला अधिकारी शर्माले बताए । प्रजिअ शर्माका अनुसार घटनास्थलमै पुगी बुढाका परिवारलाई उपचारको लागि नगद ३० हजार रुपैयाँ, एक बोरा चामल, दुई लिटर तेल, पाँच किलो चिउरा, दुई किलो दाल र दुई किलो नुन वितरण गरिएको हो ।
घरमा मासु पकाउने क्रममा एक्कासी कराइको तेल बलेर सिस्ने बुढाको घरमा गएराति साढे एघार बजे आगलागी हुँदा घरमा रहेको ५५ हजार नगद, अन्नपात, भाँडाकुँडा, लत्ताकपडा सबै जलेर नष्ट भएको थियो ।
प्रतिक्रिया दिनुहोस !
