काठमाडौं : फिल्म साइन गरेर छाड्नमा हिरोइनहरू माहिर छन्। आज हुन्छ भन्छन्, भोलि के चित्त बुझ्दैन, फिल्मलाई बाईबाई भनिदिन्छन्। पूजा शर्माले एक जना निर्देशकलाई यस्तै गरेको चर्चा छ।
पूजाको ‘रामकहानी’को सुटिङ चलिरहँदा नै पूजाले निर्देशक सुरज सुब्बा नाल्बोको अनटाइटल फिल्म साइन गरेको खबर थियो। पूजा स्वयंले खबरको पुष्टि गरेकी थिइन्। तर, त्यसयता सुब्बाले थप कास्ट फाइनल गरेको खबर बाहिरिएको थिएन। उल्टै गाइँगुइँ सुनिन थालेको छ, पूजाले फिल्म छाडिसकिन्। त्यसैले सुब्बा नयाँ हिरोइनको खोजीमा लागेका छन्।
स्रोतका अनुसार पूजाले नगर्ने भएपछि सुब्बाले उनको ठाउँमा साम्राज्ञीराज्यलक्ष्मी शाह लिने कसरत गरिरहेका छन्। सुब्बा यसका लागि साम्राज्ञी फकाउने प्रयासमा लागेका छन्।
पूजाले पनि गर्न नमानेको फिल्म साम्राज्ञीले गर्न मान्लिन् भन्नेमा शंकै छ, तर पूजाले पनि हतारहतार साइन किन गर्नु? अनि साइन गरेको फिल्म किन छाड्नु ? सुदर्शन थापा छाडेर एउटा फिल्म गरे, दर्शकलाई के कसो होला, सधैँ सुदर्शनको बुई चढ्ने गरेको आरोप त कम हुन्थ्यो।
प्रतिक्रिया दिनुहोस !
