एजेन्सी : इटालियन क्लब युभेन्ट्सका पोर्चुगिज स्ट्राइकर क्रिस्टियानो रोनाल्डोले एक पटक फेरि आफूमाथि लागेको बलात्कारको आरोपको खण्डन गरेका छन् ।
इङ्लिस क्लब म्याचेस्टर युनाइटेडसँग च्याम्पियन्स लिग खेल्न आफ्ना सहकर्मीसँगै इटालीबाट म्यानचेस्टर उत्रेका रोनाल्डोले सबै कोणबाट आफूमाथिको आरोप खारेज गरिदिएका हुन् ।
'म खुशीसहित बाँचेको एउटा मानिस हुँ । ममाथि लगाएका आरोपको सत्य सामुन्ने आउनेछ', उनले भनेका छन्, 'मलार्इ थाहा छ, म मानिसहरूका लागि उदाहरण हुँ । यस्तो खेल मैदान र बाहिर पनि हो, त्यहीकारण म सदैव मुस्काइरहन्छु । मलार्इ अझ खुसी त मैले आजसम्म उत्कृष्ट क्लबहरूसँग खेल्ने अवसर पाएको छु ।'
रोनाल्डोले सत्यलार्इ लिएर आफ्ना वकिल पूर्ण विश्वस्त रहेको पनि बताएका छन् । 'मेरा वकिल ढुक्क छन् र उनलार्इ मेरो पुरा समर्थन पनि छ । सबैभन्दा ठुलो कुरा अहिले म फुटबल र आफ्नो जीवनको आनन्द लिइरहेको छु', उनले भनेका छन्,'बाँकी मसँग यस्ता मानिस छन् जो मेरो जीवनको ख्याल राख्छन् । सत्य कुरा सदैव सामुन्ने आउँछ, यसैले त म खुसी छु ।'
रोनाल्डो मंगलवार च्याम्पियन्स लिग फुटबल अन्तर्गत म्यानचेस्टर युनाइटेडविरूद्ध खेल्दैछन् । अमेरिकी युवती क्याथरिन मोर्गनले सन् २००९ मा लास भेगासको होटलमा उनीमाथि बलात्कारको आरोप लगाएको थिइन् । त्यसपछि उनले रोनाल्डोविरूद्ध बलात्कारको मुद्दा पनि दर्ता गराएकी छन् ।
प्रतिक्रिया दिनुहोस !
