काठमाडौं : पोखरा रंगशालामा बिहबारदेखि सुरु हुने पोखरा प्रिमियर लिग (पीपीएल) टीट्वेन्टी क्रिकेटका लागि एक्स्पर्ट धनगढी ब्लुजले दुई जना इङ्ल्यान्डका खेलाडी मैदानमा उतार्ने भएको छ। धनगढीले मंगलबार खेलाडीको सूची सार्वजनिक गरेको हो।
टोलीमा अक्सनबाट १३, दुई आइकनिक र दुई विदेशी खेलाडी समावेश छन्। राष्ट्रिय टोलीका सदस्य दीपेन्द्रसिंह ऐरी मार्की खेलाडी रहेको टोलीको दुई विदेशीमा इङ्ल्यान्डका ड्यान लरेन्स र पिटर डेभिड ट्रेगो छन्। दुवै विदेशी केही दिनमा नेपाल आइपुग्ने टोलीका प्रशिक्षक मनोज कटुवालले जानकारी दिए।
टोलीको आइकनिक खेलाडीमा यू–१९ टोलीका सुबेन्दु पाण्डे र अरुणसिंह ऐरी छन्। कार्तिक २० गतेसम्म चल्ने पीपीएलमा ६ टोलीबीच प्रतिस्पर्धा हुनेछ।
प्रतिक्रिया दिनुहोस !
