भोजपुर: भोजपुरको षडानन्द नगरपालिकामा चिर्पट प्रहार गरी एक युवकको हत्या भएको छ। आँपटारेका २७ वर्षीय मानबहादुर मगरले सोही ठाउँका २६ वर्षीय सुरेश राईलाई दाउराको चिर्पट प्रहार गरेर हत्या गरेका हुन्ा्।
चिर्पट प्रहारबाट गम्भीर घाइते भएका रार्इलार्इ मंगलबार उपचारका लागि अस्पताल लैजाने क्रममा मृत्यु भएको जिल्ला प्रहरी कार्यालय भोजपुरले जनाएको छ। साँझ करिब ६ बजेतिर ‘पञ्च’ भनिने मगरले व्यक्तिगत रिसिइबीका कारण राईमाथि चिर्पट प्रहार गरेका थिए।
चिर्पट प्रहारबाट गम्भीर घाइते भएका राईलाई तत्काल तुम्लिङटारस्थित मनकामना अस्पताल लगिएको थियो। रार्इको उपचार त्यहाँ हुन नसकेपछि धरानस्थित वीपी कोइराला स्वास्थ्य विज्ञान प्रतिष्ठान लैजाने क्रममा उनकाे मृत्यु भएको जिल्ला प्रहरी कार्यालय भोजपुरका सूचना अधिकारी चरित्रविक्रम कार्कीले जानकारी दिए।
घटनाका आरोपी मगरलाई अस्थायी प्रहरी चौकी कात्तिकेघाटबाट खटिएको प्रहरी टोलीले घरैबाट नियन्त्रणमा लिएर इलाका प्रहरी कार्यालय दिङ्लामा बुझाइसकेको छ।
प्रतिक्रिया दिनुहोस !
