काठमाडौँः यो सिजन प्रिमियर लिगमा खराब प्रदर्शन गरिरहेको इङ्लिस क्लब म्यानचेस्टर युनाइटेडले च्याम्पियन्स लिगमा पनि त्यसलाई निरन्रता दिएको छ । गएराति घरेलु मैदान वर्ल्ड ट्रार्फोडमा भएको खेलमा म्यान युलाई इटालीयन क्लब युभेन्ट्सले १–० ले हराएको हो ।
युभेन्ट्सको जितमा अर्जेन्टाइन स्ट्राइकर पाउलो ड्याबालाले खेलको १७ औँ मिनेटमा निर्णायक गोल गरे । म्यानचेस्टर युनाइटेडमा सन् २००३ देखि सन् २००९ सम्म खेलेका पोर्चुगिज स्ट्राइकर क्रिस्टियानो रोनाल्डो वर्ल्ड ट्रार्फोडमा फर्केका थिए ।
समूह जी अन्तरगतको खेलमा पकड पनि युभेन्ट्सले नै बनाएको थियो । युभेन्ट्सले खेलभर ६० प्रतिशत पोजेसन बनाएको थियो । यो जितपछि युभेन्ट्स ३ खेलबाट ९ अंकसहित समूहको शीर्ष स्थानमा छ भने युनाइटेड समान खेलबाट ४ अंकसहित दोस्रो स्थानमा छ ।
प्रतिक्रिया दिनुहोस !
