स्याङ्जा : स्याङजाको हरिनास गाँउपालिकाका अध्यक्ष खिमनारायण मानन्धरले प्रहरी जवान रामनारायण चौधरीमाथि कुटपिट गरेका छन् । चौधरी दार्सिङ प्रहरी चौकीमा कार्यरत प्रहरी जवान हुन् ।
हरिनास गाउँपालिका–६ दग्दीमा भएको भलिवल प्रतियोगितामा विवाद हुँदा अध्यक्ष मानन्धर पदीय मर्यादा भुलेरै बर्दीधारी सुरक्षाकर्मीमाथि नै जाइलागेका हुन् ।क्याक्मी र दार्सिङका युवाहरुबीच भएको खेलका विवाद बढेपछि सो विवादलाई रोक्न नसकेको भन्दै अध्यक्ष मानन्धरले प्रहरीमाथि आक्रमण गरेको प्रहरी उपरीक्षक जयराज साप्कोटाले जानकारी दिए ।
‘दुई पक्षको बीचमा विवाद मिलाउन खोज्दा प्रहरी माथि नै हातपात भयो,’ प्रहरी प्रमुख सापकोटाले भने 'थप अनुसन्धानका लागि गाँउपालिकाका अध्यक्ष मानन्धरलाई प्रहरी चौकी बोलाइएको छ ।’ आफ्ना दाई सोमनारायण मानन्धरमाथि आक्रमण हुँदा प्रहरी रमिते बनेको देखेपछि प्रहरी जवानमाथि एक झापड हानेको अध्यक्षले स्वीकार गरेका छन् ।
प्रतिक्रिया दिनुहोस !
